|
06. mai 2010
No må folk berre trekke frå 21 timar på klokka oppe i hjørnet. Fredag kl. 19.00 møter Eid sine damer Jølster til toppoppgjer i 3. divisjon. Kampen går på kunstgraset. Det skal bli spennande å sjå om vi har blitt så mykje betre sidan i fjor at vi kan true endå eit topplag. Jølster sitt fremste våpen er vel spelande trenar Siren Heggheim Nilsen, som har erfaring frå toppklubbar og er ein av dei beste spelarane i divisjonen. Men trenar Arild Myklebust er ikkje kjend for å legge opp spelet etter motstandarane. Får vi spelet vårt til å klaffe, bør vi kunne halde så mykje på ballen at Jølster ikkje får så mykje høve til å etablere trykk mot oss.
Så håpar vi endeleg på ein kamp i såpass vêr at både spelarar og publikum kan stille utan stilongs.
Håpar mange møter opp og heiar fram det flotte damelaget vårt!
Eid sitt jentelag storspelte på Norway Cup i fjor og mange av desse er fast inventar på Eid sitt damelag i 2010. Bak frå venstre: Veronika Stokke, Nina Rognes, Thea Tryggestad, Beate Kjøsnes og Ann-Iren Holmgren. Framme frå venstre: Synnøve Myklebust, Merete Heggen, Marte Hjelle og Ingebjørg Scott Bale. FOTO: Kent Tryggestad
